https://youtu.be/UpLwmxHB9zIhttps://youtu.be/UpLwmxHB9zI
पुणे, दि. १६ : बापरे… मुलीच्या प्रियकराने धमकी दिल्याने वडिलांनी गळफास घेऊन आत्महत्या केली. परमेश्वर रमेश पात्रे (वय ४०, रा. गोंधळेनगर, हडपसर) असे आत्महत्या केलेल्या वडिलांचे नाव आहे. याप्रकरणी परमेश्वर पात्रे यांच्या पत्नीने हडपसर पोलीस स्टेशनमध्ये फिर्याद दिली आहे. हा प्रकार जून २०२२ ते ७ मे २०२३ दरम्यान घडला आहे.
पोलिसांनी सांगितले की, फिर्यादी महिलेच्या मुलीचे मुकेश देढे याच्याबरोबर प्रेमसंबंध होते. देढे हा काही कामधंदा करत नाही. त्यामुळे परमेश्वर पात्रे यांचा लग्नाला विरोध होता. त्यांवंतर त्यांनी मुलीचे लग्न दुसरीकडे जुळविण्याचा प्रयत्न केला. मात्र, मुकेशला हे पटत नव्हते. परमेश्वर जिथेही मुलीच्या लग्नासाठी बोलणी करायला जायचे, तो तिथे अडळथे आणत होता. तसेच, तो त्यांना परमेश्वर पात्रे यांच्या मुलीशी लग्न करणार असल्याचं सांगायचा. इतकंच नाही तर, तुम्हाला काय करायचे ते करा, जर तुम्ही मुलीचे लग्न माझ्यासोबत लावून दिले नाही, तर मी तिचे दुसरीकडे कोठेही होऊ देणार नाही, अशी धमकीही तो वारंवार देत होता. त्याच्या सततच्या धमक्यांमुळे कंटाळून ७ मे रोजी परमेश्वर पात्रे यांनी घरासमोरील बाथरुममध्ये जाऊन गळफास घेऊन आत्महत्या केली. त्यांच्या टोकाच्या निर्णयाने संपूर्ण कुटुंबावर दु:खाचा डोंगर कोसळला आहे. परमेश्वर पात्रे यांच्यावर धार्मिक विधी पूर्ण केल्यानंतर त्यांच्या पत्नीने हडपसर पोलिसांत तक्रार दाखल केली. पोलिस मुकेश देढेचा शोध घेत आहेत. पोलीस उपनिरीक्षक दिगंबर सोनटक्के याप्रकरणी तपास करीत आहेत.
