पुणे (प्रतिनिधी)
राष्ट्रवादी काँग्रेस शरद चंद्र पवार पक्षात आज पुण्यात जोरदार इन्कमिंग झाली, विविध पक्षाच्या दिग्गज नेत्यांनी शरद पवारांच्या उपस्थितीत पक्षात प्रवेश केला, शहराध्यक्ष प्रशांत जगताप यांनी पक्षप्रवेशात मोठी भूमिका बजावली.
मूळ राष्ट्रवादी काँग्रेस पार्टीमध्ये फूट पडल्यानंतर “आता शरद पवारांच्या नेतृत्वाचं काय होणार ?” असा प्रश्न सर्वांना पडला होता. अनेकांनी तर “शरद पवार की राजनीती का इरा खतम हुआ” असं म्हणत शरद पवारांचे नेतृत्व इतिहासजमा झाले अशा वल्गनाही केल्या. परंतु या लोकांचा इतिहासाचा अभ्यास कच्चा आहे हेच पुन्हा सिद्ध झाले.
शरद पवारांवर अनेकदा संघर्षाची वेळ आली, जेव्हा जेव्हा राजकीय संकट आले तेव्हा तेव्हा शरद पवारांनी जनतेत जाऊन न्याय मागितला, प्रत्येक वेळी जनतेच्या पाठिंब्यावर शून्यातून विश्व निर्माण करत शरद पवारांनी आपले नेतृत्व अधिक भक्कम केले. यावेळीही सगळे मातब्बर सोडून गेल्यावर शरद पवारांनी आपल्या राजकारणाचा डाव नव्याने मांडण्यास सुरुवात केली आहे. नव्या दमाच्या कार्यकर्त्यांना आजही शरद पवारांच्या नेतृत्वाची भुरळ असल्याने त्यांच्या राष्ट्रवादी काँग्रेस (शरदचंद्र पवार) या पक्षात जोरदार इंनकमिंग सुरू आहे.
आज शरद पवारांच्या पुणे येथील निवासस्थानी महाराष्ट्र नवनिर्माण सेनेचे माजी नगरसेवक राहुल तूपेरे, शेतकरी कामगार संघटनेचे प्रवक्ते भगवान जाधव, माजी नगरसेवक आरिफभाई बागवान, पंचायत समितीचे माजी सदस्य सुनिल खेडेकर, स्व.खासदार गिरीशभाऊ बापट यांचे स्विय्य सहाय्यक सुनिल माने यांनी जाहीर प्रवेश केला. राष्ट्रवादी काँग्रेस (शरदचंद्र पवार) पार्टीचे पुणे शहराध्यक्ष प्रशांत जगताप यांनी यात महत्वाची भूमिका बजावली.
“सर्व मान्यवरांच्या प्रवेशाने पक्षाला नक्कीच ताकत मिळेल हा विश्वास आहे. सर्वांचे स्वागत व पुढील वाटचालीसाठी शुभेच्छा !” अशी प्रतिक्रिया प्रशांत जगताप यांनी यावेळी दिली
