पुणे : हडपसर येथील सितारा महिला बचत गटाच्या दहावा वर्धापन दिनाच्या निमित्ताने विविध कार्यक्रमाचे आयोजन करण्यात आले होते. कार्यक्रमाची सुरुवात दीप प्रज्वलनाने करण्यात आली, उपस्थित मान्यवरांचे स्वागत व सत्कार बचत गटाच्या अध्यक्षा व आयोजक आयेशा तांबोळी यांनी केले.यामध्ये बचत गटांच्या महिलांनी विविध राज्याच्या पारंपरिक वेशभूषा परिधान करून फॅशन शोचे सादरीकरण केले या फॅशन शो मध्ये मुलींपासून जेष्ठ महिलांनी सहभाग घेतला तसेच फॅशन शो मध्ये विजेत्या महिलाना मानाचा क्राऊन व सन्मानचिन्ह देऊन गौरवण्यात आले .यावेळी विविध क्षेत्रात उल्लेखनीय कार्य करणाऱ्या महिलांना सितारा महिला बचत गटाच्या वतीने सितार आयकॉन पुरस्कार देऊन सन्मानित करण्यात आले. यावेळी सितारा महिला बचतगटाच्या माध्यमातून स्थापन करण्यात आलेल्या सितार महिला विकास संस्थेच्या नामफलकाचे अनावरण मान्यवरांच्या हस्ते करण्यात आले.
कार्यक्रमास प्रमुख पाहुणे हडपसर मतदार संघाचे आमदार चेतन तुपे पाटील ,अखिल भारतीय मराठी चित्रपट महामंडळाचे अध्यक्ष मेघराज राजेभोसले, सिने अभिनेत्री सुरेखा कुडची ,सामाजिक कार्यकर्त्या बिग बॉस फेम तृप्ती देसाई,सोमनाथ सोमानि,वैष्णवी युवराज ढमाले,नितीन झगरे आदी मान्यवर उपस्थित होते. यावेळी मोठ्या प्रमाणात सितारा महिला बचतगटाच्या महिला मोठ्या प्रमाणात उपस्थित होत्या.उपस्थित महिलांना आकर्षक भेटवस्तू देऊन सन्मान करण्यात आला .कार्यक्रमाचे आयोजन सितारा महिला बचत गटाच्या अध्यक्षा आयेशा तांबोळी यांनी केले.
गेल्या दहा वर्षांपासून हडपसर परिसरातील महिलांना एकत्र करून त्यांना एक व्यासपीठ उपलब्ध करून दिले तसेच महिला अधिक सक्षम व्हाव्या म्हणून बचत गटाच्या माध्यमातून महिलांना रोजगार उपलब्ध करून दिला आहे.
आयेशा तांबोळी
(अध्यक्ष सितारा महिला बचत गट)
